Manchester United ka hapur bisedimet me Zinedine Zidane për t’u bërë menaxher i klubit.

“Djajtë e Kuq” janë në prag të shkarkimit të trajnerit aktual, Ole Gunnar Solskjaer pas një fillimi të dobët të sezonit dhe shumë presin që situata e tij të bëhet e paqëndrueshme nëse rezultatet nuk përmirësohen shpejt.

Zidane nuk është duke menaxhuar ndonjë skuadër që nga përfundimi i periudhës së tij të dytë me Real Madridin në fund të edicionit të kaluar.

Ka pasur shumë spekulime që e lidhin atë me punën e United, por kjo është zbehur nga raportet se ai nuk është i interesuar të menaxhojë në Premier League dhe se United nuk është ende i gatshëm të “sakrifikojë” Solskjaer.

Megjithatë, specialisi i transferimeve, portugezi, Pedro Almeida pohon se bisedimet tani janë në zhvillim mes “Djajve të Kuq” dhe ikonës franceze.

“Bisedimet mes Zinedine Zidane dhe Manchester United kanë filluar”, ka konfirmuar Almeida në “Instagram”.

 

View this post on Instagram

 

A post shared by Pedro Almeida (@pedro.gva6)

“Kujdes, marrëveshja është e vëshitrë sepse preference e trajnerit francez për momentin është të drejtojë një ekip kombëtar”.

Për sa i përket dëshirës së raportuar nga Zidane për t’u bërë trajneri i Francës, kontrata e trajnerit aktual, Didier Deschamps është e vlefshme deri në vitin 2022 dhe siç raporton “L’Equipe” ende nuk janë planifikuar bisedimet për vazhdimin e kontratës.

Kjo potencialisht mund të lërë një derë të hapur për Zidane për të marrë drejtimin e “Les Bleus”./Arbresh.info